Tu yes la playa de marzu
y la ñeve en primavera,
yes el sol de toles nueches
y la lluna mañanera.
Nesti mundu esta vez
tu yes lo que nun se ve,
los cuernos del caricol,
l'otru pie del ciempiés,
y cuando llega'l calor
el polo norte al revés.
Nesti mundu otra vez,
tu yes lo que nun se ve,
los cantares del mirueyu
aquel arroz nuna charca,
tu yes la boca del fueu,
yes tu la voz que me llama.
Nesti mundu esta vez,
tu yes lo que nun se ve.
No hay comentarios:
Publicar un comentario